يوم الأثنين 25 يوليو 2011
كتبت : رشا سراج
لك عزيزتى و لك عزيزى ... احنا جنسين مختلفين عن بعض و منقدرش نعيش من غير بعض جايز لأن القط مبيحبش الا خناقه ؟؟؟
قريت كتاب "رجال من المريخ و نساء من الزهرة " انصحكوا تقروه؛ مجرد العنوان حسسنى بالمأساه و قد ايه احنا مختلفين فى التعامل مع اى مشكلة او مع الحياة عموما .
"تخيلوا أن الرجال من المريخ والنساء من الزهرة... وفي أحد الأيام منذ زمن بعيد بينما كان أهل المريخ ينظرون من خلال مناظيرهم المقربة اكتشفوا أهل الزهرة، وبلمحة خاطفة أيقظ أهل الزهرة مشاعر لم يكن لأهل المريخ بها عهد، لقد وقعوا في الحب واخترعوا بسرعة سفنا فضائية وطاروا بها إلى الزهرة التي فتح أهلها أذرعتهم ورحبوا بأهل المريخ، لقد كان الحب بين أهل الكوكبين ساحرا.
وعلى الرغم من أنهم من عوالم مختلفة فقد وجدوا متعة بالغة في اختلافاتهم ... ثم بعد ذلك قرروا أن يسافروا إلى الأرض، وفي صباح أحد الأيام استيقظوا وكل واحد منهم يعاني من نوع معين من فقدان الذاكرة ... فقد نسوا حقيقة مهمة وهي الاختلافات بينهم، إننا نتوقع أن يكون الجنس الآخر شبهنا تقريبا ... ونرغب منهم أن "يريدوا ما نريد" وأن " يشعروا كما نشعر".
دى مقدمه الكتاب شوفوا قد ايه معبره؟؟ ممكن نحس ان فيها شويه احتياج؟؟ الرجال محتاجه لحنان و النساء محتاجه لأمان ؟؟ طب لما اكتشفوا الاختلافات تعاملوا ازاى؟؟
على العموم استنونى كل يوم اتنين مع اتنين "الرجل و المرأه" و نحاول نجاوب على التساؤلات عن اختلافتنا، وازاى نتعامل معاها، كل يوم اتنين هنقول مشكلة او موقف فى الحياة او حتى المطبخ، وازاى الرجالة بيتصرفوا، وازاى النساء بيتصرفوا ونشوف الوجهين المختلفين للجنس البشرى مفيش حد صح و حد تانى غلط لأن اختلافنا ضرورى و مش عيب و الا هنصاب بالملل.
