الثلاثاء، 6 أغسطس 2013

سياسة و أصحاب

فى ناس كتير فى حياتى مش على نفس تفكيرى و لا رأيى و مع ذلك بحبهم و بفضل أحب اسأل عليهم لان أختلافنا رحمه.
بس المشكلة فى اللى مصمم يخسرك عشان رأيك غير رأيه و تقولو يا سيدى سيبلى دماغى و خليلك دماغك.
احنا الاتنين عايزين مصلحة البلد جايز
احنا الاتنين عايزين المصلحة بطريق و فكر مختلف جايز
انا مش مفترضه فيك سوء النيه فأرجوك لا تفترض فيا سوء النيه برضه.
و لو انت تعرفنى كويس و عارف دماغى و انتمائى خلاص ريح دماغك و سيبنى فى حالى
لو متعرفنيش و قررت متعرفنيش بزيادة اوك براحتك
اما بقى لو بتفكر تخلينى اغير قناعاتى اسفه شوف حد غيرى
انا كده فله و عاجبانى و بحب برضه اى حد مختلف معايا باحترام و لسه باقى على العشره
اما بقى اللى مش باقى و اللى شتمنى انا مسامحاكم و ربنا يديم المعروف :)
أرجوك انا مش محتاجه تصنيفك
ارجوك انا مش فارق معايا آراء مختلفه لان اختلافنا رحمه
لو متضايق اوى من بوستاتى ان فولو اختراع لطيف
لو متضايق و شايف انك مينفعش تعرفنى ان فريند و ده هيريح حضرتك برضه

اخر كلمه شكرا لكل اللى شبههى و كانوا جمبى فى اوقات ما احتاجتهم
شكرا لكل اللى مش شبههى و حافظ على المسافه الآمنه عشان منخسرش بعض

أشهد الله رب العرش العظيم انى بحبكم فى الله و ربنا هيحاسبنا كلنا على نوايانا و صدقنا و كذبنا

اللهم انت السلام و منك السلام تباركت يا ذا الجلال و الاكرام
ارزقنا سلام النفس و الطمأنينة يا ارحم الراحمين :)

و عيد سعيد عليكم كلكم :)

هناك تعليق واحد:

  1. اختلاف الراي لايفسد للود قضيه...بس دا زمان دلوقتي اصبح اختلاف الراي يفسد الحياه كلها

    ردحذف